Charter Document - 03270095
| Charter Number: | 03270095 |
|---|---|
| Cartulary Title: | Durham 1153-1195 Volume 24 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1165 - 1187 |
| Date type: | Assigned |
| Resource Link(s): |
|
Charter:
Hugo dei gratia Dunelmensis episcopus universis sancte ecclesie filiis salutem Sciat vestre fraternitatis caritas domnum Godfridus de Luci sancti Martini decanum supplicatione devotionis sue recepisse a nobis et a filiis nostris scilicet monachis sancti Cuthberti particulam panni illius quo corpus eiusdem beati confessoris per multos annos involutum est integritate ipsius panni observata sicut et ipsum corpus a quadringentis annis et eo amplius dei gratia incorruptum permanet Quare mandamus et supplicando precamur ut ubicumque locorum tanti patris reliquie venerint pro caritate dei et honore Cuthberti beati confessoris et nostre attestationis petitione in magna veneratione ut decet suscipiantur et intima devotione et orationum instantia complectantur Concedimus itaque quatinus omnes qui ita predictas reliquias susceperint participes meritorum eiusdem patroni nostri beati Cuthberti et orationum ecclesie nostre perenniter fiant