Charter Document - 03270092
| Charter Number: | 03270092 |
|---|---|
| Cartulary Title: | Durham 1153-1195 Volume 24 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1175 - 1180 |
| Date type: | Assigned |
| Resource Link(s): |
|
Charter:
H dei gratia Dunelmensis episcopus omnibus baronibus et hominibus totius episcopatus sui salutem Sciatis nos dedisse concessisse et presenti carta confirmasse Henrico de Puteaco Parvam Heswell quam Gaufridus de Heswell tenuit et Ricardus filius Odonis adversus eundem Gaufridum clamavit et post in plena curia nostra apud Dunelmum per finem duelli quietam remisit ita quod predicti Gaufridus et Ricardus eandem villam prenominato Henrico pro pecunia sua et servitio dimiserunt et ei et heredibus suis de se et heredibus suis in perpetuum quietam clamaverunt Quare volumus et precipimus quod predictus Henricus et heredes sui habeant et teneant de nobis et successoribus nostris in feudum et hereditatem memoratam villam cum omnibus ad eam pertinentibus in bosco et plano in pratis et pascuis in aquis stagms et molendinis in viis et semitis et in omnibus aliis libertatibus et liberis consuetudinibus libere quiete et honorifice per servitium tercie partis unius [mil]itis Testibus Gilleberto Hausard Rogero de Coisneres Gaufrido filio Ricardi Iordano Escolland Iohanne de Amundevill Philippo filio Hamonis Alexandro de Helton Gaufrido de Torp Ricardo de Parca Rogero Burdun Willelmo filio Regis Steffani Gilleberto de Clara Gilleberto de Leia Waltero de Ferlinton et multis aliis