Charter Document - 03270090
| Charter Number: | 03270090 |
|---|---|
| Cartulary Title: | Durham 1153-1195 Volume 24 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1185 - 1195 |
| Date type: | Assigned |
| Resource Link(s): |
Durham Cathedral Archive - Cartularium Vetus (f145r) |
Charter:
Hugo dei gratia Duneimensis episcopus baronibus militibus et omnibus sancte matris ecclesie filiis tam clericis quam laicis ad quos litere presentes pervenerint salutem Noverit universitas vestra nos dedisse concessisse et presenti carta confirmasse Laurentio camerario nostro et cui idem Laurentius assignare voluerit totam terram de Landa Dei in hominibus quam in terris sicut frater Rannulfus eam unquam melius et honorabilius tenuit habendam et tenendam sibi et cui assignare voluerit libere quiete et honorifice reddendo inde annuatim nobis et successoribus nostris unum bisantium ad festum Sancti Cuthberti in Septembri pro omni alio servitio et consuetudine Quare volumus et precipimus quod predictus Laurentius et cui assignare voluerit predictam terram habeant et teneant libere quiete et honorifice cum omnibus rebus ad eam pertinentibus in bosco et plano in pratis et pascuis in terris cultis et incultis et in omnibus locis et libertatibus ut predictum est per predictum servitium Predicti vero Laurentius et cui assignare voluerit et homines sui quieti erunt de pasnagio Testibus Burchardo et Willelmo archidiaconis magistro Willelmo Biesensi magistro Ricardo de Coldingham Henrico de Puteaco Gilleberto camerario Petro de Chauz Radulfo de Cestria Reginaldo de Camera Radulfo Callido et Hugone filio eius Iacobo de Grenewelle et Ricardo fratre eius Willelmo Gillebert et multis aliis