Charter Document - 03270076
| Charter Number: | 03270076 |
|---|---|
| Cartulary Title: | Durham 1153-1195 Volume 24 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1189 - 1195 |
| Date type: | Assigned |
| Resource Link(s): |
|
Charter:
Hugo dei gratia Dunelmensis episcopus universis Cristi fidelibus ad quos litere presentes pervenerint tam clericis quam laicis eternam in domino salutem Noverit universitas vestra nos caritatis intuitu et pro animabus predecessorum nostrorum dedisse concessisse et presenti carta nostra confirmasse fratri Iohanni qui per gratiam dei et beati patris nostri Cuthberti sanitatem suam in ecclesia Dunelmensi recuperavit unum locum de vasto nostro infra has divisas scilicet inter Beierleie et Sateleie et a via que descendit de Sateleie usque ad moram de Beierleie et a profunda dena de Seteleie sicut se extendit a Beierleie burne usque ad moram de Bierleie tenendum et habendum omnibus diebus vite sue in liberam puram et perpetuam elemosinam absque omni servitio consuetudine et demanda Cum vero prefatus frater I viam universe carnis ingressus fuerit prefatum locum infra prefatas divisas monachis in Dunelm deo et beato Cuthberto servientibus assignamus Volumus vero et precipimus quod predicti loci animalia cum animalibus nostris et successorum nostrorum ubique communem habeant pasturam Quisquis autem in hunc locum vel eius libertates manus violentas iniecerit vel in aliquo impedierit sciat se maledictionem dei et beate Marie et beati patris nostri Cuthberti et omnium sanctorum et nostram incurrisse Hiis testibus Bertramo priore Dunelm Buchardo archidiacono Willelmo archidiacono Simone camerario Ricardo de Coldigham Willelmo de Ofden Willelmo elemosinario Stephano de Suafeld et multis aliis