Charter Document - 03270071

Hugo dei gratia Dunelmensis episcopus omnibus sancte matris ecclesie filiis ad quos presentes littere pervenerint salutem Sciatis nos digno dei iudicio flagellatos quietum clamasse Rogerum personam ecclesie de Hovedena et eius successores de decem libris esterlingorum quas ab eo singulis annis contra conscientiam nostram iniuste cepimus statuentes quod quicumque illas decem libras vel causa illarum aliquid ab eo vel ab ecclesia sua vel a successoribus suis de cetero exegerit vel ad solvendum cogerit indignationem dei omnipotentis et beati confessoris sui Cuthberti et nostram incurrat maledictionem Testibus hiis Ernaldo abbate Rievall Willelmo abbate de Rucford Willelmo abbate de Novo Monasterio Bertrammo priore Dunelm Burcardo thesaurario Eboraci Willelmo sub decano Lincoln Willelmo archidiacono Northumbrie magistro Ricardo de Collingham Henrico de Puteaco Waltero capellano ecclesie de Hoved Symone et Amaldo et Ricardo elemosinario et Rogero cappellanis domini Hugonis Dunelmensis episcopi et aliis multis