Charter Document - 03270065
| Charter Number: | 03270065 |
|---|---|
| Cartulary Title: | Durham 1153-1195 Volume 24 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1189 - 1194 |
| Date type: | Assigned |
| Resource Link(s): |
|
Charter:
Hugo dei gratia Dunelmensis episcopus priori archidiaconis et omnibus clericis tocius episcopatus sui salutem Sciatis nos concessisse et presenti carta confirmasse deo et beate Marie et canonicis regularibus quos dilectus filius noster Henricus de Puteaco ad hoc elegit villas de Hessewell et de Windegate cum omnibus rebus ad eas pertinentibus quas idem Henricus de Puteaco eis in liberam puram et perpetuam elemosinam pro salute nostra et sua et pro salute animarum omnium antecessorum et successorum nostrorum et heredum suorum dedit et carta sua confirmavit habendas et tenendas cum omnibus rebus ad eas pertinentibus liberas et quietas ab omni servicio et consuetudine sicut aliqui canonici aliquam elemosinam melius et liberius habent et tenent Quare volumus et precipimus quod predicti canonici predictas terras habeant et teneant ut predictum est salvo servicio nostro de eadem terra quod predictus Henricus et heredes eius facient nobis et successoribus nostris de aliis terris suis quas de nobis tenent Et preterea concedimus quod predicti canonici habeant et teneant villam de Hepped quam Bertramus de Hepped predicto Henrico invadi agit usque ad terminum vadii sicut in carta ipsius Bertrami continetur quod predictus Henricus tenere deberet Testibus Bertramo priore Burchardo et Willelmo archidiaconis Simone camerario magistro Ricardo de Colding magistro Willelmo Blesensi magistro Nicholao medico Simone et Iohanne capellanis Ricardo de Ely Gennano Michaele et multis aliis