Charter Document - 03270053
| Charter Number: | 03270053 |
|---|---|
| Cartulary Title: | Durham 1153-1195 Volume 24 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1170 - 1184 |
| Date type: | Assigned |
| Resource Link(s): |
|
Charter:
Hugo dei gratia episcopus Dunolmensis priori et conventui sancti Cuthberti et archidiaconis et sancte matris ecclesie filiis salutem Notum facimus universitati vestre nos dedisse et presenti carta nostra confirmasse deo et hospitali sancti Egidii de Dunolmo Qwthteleyes et Swyneleyes per istas divisas a sursa Knokedenbum usque ad sursam de Ayelshopburn deinde recta linea usque ad Derewent que est divisa inter eos et archiepiscopum Eboracensem et Walterum de Bolkbek sicut Derewent decurrit usque dum Ayelshopburn descendit in eam et quicquid continetur infra istas divisas sit ad sustentandos et suscipiendos pauperes Cristi scilicet minerum plumbi ad cooperiendam ecclesiam sancte Marie et omnium sanctorum et infirmatorium hospitalis minerum quoque ferri ad carucas et alias necessitates faciendas et pasturam habebunt infra Rokehopp ad averia sua et pedes canum eorum non sint ibi neque ad vachariam de Werdall truncati set pastores ducant eos ligatos pro feris ad averia sua servanda pro lupis Et unum toftum quod dedimus eis per procurationem fratris Ranulphi ad opus dicti hospitalis scilicet predictum toftum de la Launden pasturam etiam in foresta nostra ad averia sua habebunt Damus etiam predicto hospitali et confirmamus decimam de tota terra que pertinet ad Bradwod et totam decimam de Besanskeldes usque ad Wytcheleyes et unam travam bladi de unaquaque caruca de Werdale decimas quoque de omnibus novalibus nostris id est de terris que ante tempora nostra culte non erant quas de paludibus et frutectis in terram arabilem traximus per nummos nostros vel per kyrsete Omnia ista predicta predicto hospitali damus concedimus et confirmamus in puram et quietam liberam et perpetuam elemosinam existere