Charter Document - 03270052
| Charter Number: | 03270052 |
|---|---|
| Cartulary Title: | Durham 1153-1195 Volume 24 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1170 - 1184 |
| Date type: | Assigned |
| Resource Link(s): |
Durham Cathedral Archive - Register III (fixv) |
Charter:
Hugo dei gratia [episcopus Dunolmensis omnibus Cristi fidelibus presentem cartam inspecturis salutem in domino] Novit facimus vobis nos dedisse et concessisse magistro et fratribus sancti Egidii ad suscipiendos et sustendandos pauperes ibidem villam de Clyfton cum omnibus pertinentiis suis in terris aquis molendinis et piscariis et omnibus que ad eam pertinere noscuntur cum omnibus consuetudinibus et libertatibus tam ecclesiasticis quam secularibus ad ipsam pertinentibus in liberam et perpetuam elemosinam Dedimus etiam eisdem de una quaque caruca de dominicis nostris in episcopatu nostro unam travam bladi sicut datur hospitali sancti Petri in Eborschire Damus etiam eisdem decimas de omnibus novalibus nostris id est de terris que ante tempora nostra culte non erant quas de paludibus et de frutectis in terram arabilem traximus tam in Eboracensi provincia quam in nostra dyoecesi et in parochia de Hoveden Ipsam quoque ecclesiam sancti Egidii volumus et auctoritate dei et nostra decrevimus liberam et quietam existere inperpetuum a sinodalibus et omnibus aliis consuetudinibus que per archidiaconum sive per decanum sive per aliquem offic[ialem] eorum exigi solent Hec omnia eisdem in liberam et perpetuam elemosinam cum travis quas barones et alii nostre dyoecesis eis concesserunt et deo auctoritate concedent concedimus et presenti carta confirmamus