Charter Document - 03270051
| Charter Number: | 03270051 |
|---|---|
| Cartulary Title: | Durham 1153-1195 Volume 24 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1170 - 1184 |
| Date type: | Assigned |
| Resource Link(s): |
Durham Cathedral Archive - Register III (fixv) |
Charter:
Hugo dei gratia episcopus Dunolmensis omnibus Cristi fidelibus presentem cartam inspecturis salutem in domino Notum facimus universitati vestre nos dedisse et hec carta nostra confirmasse omnes donationes quas Ranulphus bone memorie predecessor noster hospitali sancti Egidii de Kypier dedit et confirmavit Concedimus etiam eisdem magistro et fratribus liberum burgagium et omnibus hominibus eorum quibus illi concesserint libertatem in vico sancti Egidii in Dunolmo et quieti erunt de exercitu et omnibus auxiliis et intol et utol et operationibus et consuetudinibus et vexationibus et exactionibus Concedimus etiam eisdem pasturam ad averia sua infra hayam et extra focale et maeremium et clausturam ubi eis sit magis ad aysiamentum habebunt sine vasto et quieti erunt per totam forestam nostram de pannagio Damus etiam eisdem quandam partem de peterio nostro de Neuton per illas divisas quibus Willelmus de Hoveden et Philippus forestarius eos seysiverunt ex parte nostra Damus etiam eisdem et confirmamus unum toftum in qualibet villa ubi habent decimas de dominico nostro videlicet de Hoghton Refhope Essington Derlington Segisfeld Boldon et Qwicham Quare volo et firmiter precipio ne aliquis ministrorum nostrorum nec clericus nec laycus namium fratrum accipiat nec infra burgum nec extra nisi in curia eorumdem iure deficiant et tunc per licentiam nostram vel justiciariorum nostrorum Hec omnia damus eisdem in puram et perpetuam elemosinam