Charter Document - 03270043
| Charter Number: | 03270043 |
|---|---|
| Cartulary Title: | Durham 1153-1195 Volume 24 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1195 |
| Date type: | Assigned |
| Resource Link(s): |
Durham Cathedral Archive - Cartulary I (f72r) Durham Cathedral Archive - Register IV (f11v) Durham Cathedral Archive - Cartularium Vetus (f138v) |
Charter:
Hugo dei gratia Dunelmensis episcopus omnibus sancte matris ecclesie filiis ad quos presens carta pervenerit salutem Sciatis nos concessisse et presenti carta confirmasse deo et beato Cuthberto et B priori et conventui Dunelmensis ecclesie inperpetuum liberam disposicionem et institucionem et personatum omnium ecclesiarum suarum et capellarum ad eas pertinencium et volumus ut vacantibus ecclesiis suis in proprios usus et in propria manu sua eas retineant inperpetuum et capellanos pro voluntate sua in eis constituant qui ecclesiis et capellis honeste deserviant et episcopalia persolvant Concedimus etiam ut in ipsis ecclesiis suis quieti sint et liberi inperpetuum ab omnibus consuetudinibus auxiliis et hospiciis et exactionibus omnium successorum nostrorum episcoporum et archidiaconorum et omnium officialium Quare volumus et districte precipimus quatinus predicti prior et conventus habeant et teneant inperpetuum supradictas libertates et iura libere et quiete et honorifice sicut predictum est Si quis vero huic nostre concessioni et confirmacioni contraire presumpserit indignationem dei omnipotentis et beati Cuthberti et nostram maledictionem nisi resipuerit incurrat Testibus his Burcardo et Willelmo archidiaconis magistro Willelmo Blesensi magistro Ricardo de Coldingam magistro Roberto de Edingtun Rogero persona de Hoved Hugone de Feritate magistro Henrico de Dunelmo Waltero de Pitingdun Radulfo Hareng Ricardo persona de Winestun Henrico de Puteaco Iordano Escolund Willelmo filio Thome Galfrido filio Ricardi Rogero de Coingneres Osberto de Laton Roberto filio Meldredi Thoma de Amundevill Rogero de Epplinden Rogero Punchard Rogero Burdun Simone de Hautorn Waltero capellano de Hoved Roberto et Galfrido clericis de Hoved Ada de Kevill et multis aliis