Charter Document - 03270042

Hugo dei gratia Dunelmensis episcopus omnibus sancte matris ecclesie filiis ad quos littere presentes pervenerint salutem Noverit universitas vestra nos concessisse et presenti carta confirmasse quatinus tam temporibus nostris quam omnium successorum nostrorum monachi Dunelmenses liberam semper electionem prioris habeant et quicumque de suo conventu communi monachorum consilio et eorum propria voluntate prior electus fuerit sit secundus ab episcopo in omni dignitate et honore abbatis nomine prioris infra ecclesiam Dunelmensem et extra et ut habeat stallum in sinistra parte chori sicut abbas et dexteram episcopi et facultatem plenariam cum consilio capituli sui ordinandi domum suam in interioribus et exterioribus agendis suis tam in ecclesiis quam in terris et ceteris possessionibus suis Concedimus etiam predicto priori et monachis liberam disposicionem omnium ecclesiarum suarum et omnium rerum ad eas pertinentium et ut habeant omnes terras suas cum omnibus ad eas pertinentibus et cum omnibus divisis libere et quiete et honorifice sicut unquam aliquo tempore liberius quietius et melius habuerunt Curiam etiam suam libere et honorifice sicut habemus nostram eis concedimus et confirmamus cum omnibus libertatibus et consuetudinibus que ad curiam pertinent Si vero alique decime temporibus antecessorum nostrorum vel nostro ab ecclesiis eorum alienate fuerint eis plenarie restituimus Volumus etiam quod predicti prior et monachi quieti sint ab hospiciis et auxiliis et omnibus gravaminibus episcoporum archidiaconorum et omnium officialium tam in ecclesiis suis quam in terris et ut de illis supra eos nullus se intromittat nec ab eis decimas de dominiis suis aut nutrimentis vel novalibus in episcopatu nostro exigat Quicumque igitur huic nostre confirmationi in aliquo contraire presumpserit indignationem dei omnipotentis et beati Cuthberti reverendi confessoris et nostram maledictionem se noverit incursurum Hiis testibus Emaldo abbate Rievall Willelmo abbate Novi Monasterii Willelmo abbate de Ruhford Burchardo et Willelmo archidiaconis magistro Willelmo Blesensi magistro Ricardo de Coldigh Rogero persona de Roved Rugone de Feritate magistro Roberto de Edintona Nicholao medico Simone Emaldo Ricardo capellanis Willelmo filio archiepiscopi Roberto de Ellewic Ricardo Heirun Willelmo de Norh Radulfo de Tomoure Roberto de Hoved Henrico de Puteaco Iordano Escoll Gaufrido filio Ricardi Willelmo filio Thome Osberto de Lat Roberto filio Meldredi Rogero de Audre Rogero Burd Gileberto camerario Alano de Lund Roberto Scotto Gileberto de Feschaump Besing Rogero de Kaivill Ada de Keivill Ricardo de Averenches Rugone Ravet et multis aliis