Charter Document - 03270028
| Charter Number: | 03270028 |
|---|---|
| Cartulary Title: | Durham 1153-1195 Volume 24 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1154 - 1158 |
| Date type: | Assigned |
| Resource Link(s): |
Durham Cathedral Archive - Cartulary II (f79v) Durham Cathedral Archive - Cartularium Vetus (f142v) |
Charter:
Hugo dei gratia Dunelmensis episcopus omnibus baronibus suis de Halweresfolc Francis et Anglis salutem Sciatis me dedisse et concessisse deo et sancto Cuthberto et monachis Dunelmensibus villam de Foletebi in liberam et perpetuam elemosinam per divisas quas ego ipse eis perambulavi inter Boldun et Foletebi videlicet del Estrothre usque ad Restule et de Restule ad Blachelawe et de Blachelawe ad marcas de Wrachenndherge Per has divisas eis concedo predictam villam liberam et quietam ab omni servitio ut eam libere et quiete in eternum possideant cum omnibus ad eam pertinentibus tam in planis quam in pascuis et in nemoribus sicut quietius et liberius alias suas terras possident Testes huius donationis sunt Wace et Iohannes archidiaconi magister Laurentius Theodbaldus clericus Alanus presbiter magister Thomas de Sexdecim Vallibus Radulfus nobilis Thomas filius Osberti Helias Escolland Ricardus del Parc Lucas de Rana et multi alii clerici et laici