Charter Document - 03270025

Hugo dei gratia Dunelmensis episcopus omnibus suis successoribus et parochianis sancti Cuthberti tam presentibus quam successuris salutem et benedictionem Sciatis vos qui presentes estis sciant et posteri nostri quod ego Hugo episcopus eandem libertatem ecclesie sancte Marie et sancti Cuthberti et monachis in eadem ecclesia deo servientibus do et concedo quam eadem ecclesia et fratres in eadem comorantes habuerunt ea die qua ad episcopatum Dunelmensem dei gratia non meis meritis consecratus sum tam in ecclesiis quam in villis et in terris et in silvis et in aquis et in omnibus aliis rebus quibus predicti fratres eadem die saisiti et investiti erant Concessi etiam priori et eis ut ad dispositionem omnium rerum suarum liberam in omnibus habeant facultatem Et nullus eis super hoc queso sit molestus sed in his et in omnibus aliis que teste deo concessi plenam ex integro habeant potestatem salva in omnibus mea episcopali auctoritate His testibus Cuthberto priore de Giseburna Iohanne archidiacono Hugone de Ruddebi Iohanne de Rana Simone camerario Thoma de Sedecim Vallibus