Charter Document - 03270022
| Charter Number: | 03270022 |
|---|---|
| Cartulary Title: | Durham 1153-1195 Volume 24 |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1154 - 1184 |
| Date type: | Assigned |
| Resource Link(s): |
|
Charter:
Notum sit omnibus tam presentibus quam futuris quod ego Robertus Corbech et Sibilla filia mea et omnes heredes nostri dedimus et concessimus et fide prestita quietum clamavimus domui S Egidii de Dunelmo villam de Hunstanworth et omnem terram ad eam pertinentem divisis apertis divisam de Boltisburne usque Boltislawe et de Boltislawe usque ad Evelshopheved et Evelshopheved usque ad Derewentam et de Derewenta usque ad Boltisburne pro amore et fraternitate domus et propter decem marcas quas magister de Argentaneo et fratres prenotate domus nobis in caritate dederunt honorifice et pacifice possidendam cum omnibus libertatibus ad illam terram pertinentibus quas libertates carta domini Hugonis episcopi memoratur et confirmat Faciendo episcopo Dunelm servicium duodecime partis cujusdam militis de omnibus aliis serviciis pacificam et quietam Quam conventionem ut ipsa rata permaneat ego Robertus assensu filie mee Sibille et omnium heredum meorum sigilli mei munimine roboravi