Charter Document - 03270014
| Charter Number: | 03270014 |
|---|---|
| Cartulary Title: | Durham 1153-1195 Volume 24 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1183 - 1195 |
| Date type: | Assigned |
| Resource Link(s): |
|
Charter:
Hugo dei gratia Dunelmensis episcopus baronibus militibus et omnibus hominibus suis de Haliwerefolc Francis et Anglis salutem Sciatis nos dedisse et concessisse et presenti ca[rta] confirmasse Waltero de Cadamo et Roberto filio Rogeri nepotibus dilecti filii et familiaris nostri Simonis camerarii pro servicio ipsius Simonis et pro homagio et servicio eorum villas de Cornesho et de Hethleia quas prius dederamus eidem Simoni avunculo eorum de wasto nostro et quas postea idem Simon nobis reddidit et quietas clamavit ad opus eorumdem nepotum suorum habend[as et] tenendas eis et heredibus eorum in feodum et hereditatem de nobis et successoribus nostris reddendo inde annuatim iiii solidos tantum ad iiii terminos in episcopatu constitutos liberas et quietas ab omni alio servicio et consuetudine et auxilio ita quod alter eorum medietatem earumdem duarum villarum et alter aliam similiter medietatem in omnibus habeat et teneat Quare volumus et firmiter precipimus quod predicti Walterus et Robertus et heredes eorum predictas villas de Co[rnes]ho et de Hethleia cum omnibus rebus ad eas pertinentibus habeant et teneant in feodum et hereditatem libere quiete et honorifice per predictum liberum servicium iiii solidorum redimendo inde liberum servicium vicesime partis feodi unius [militis cum prati]s et pascuis in terris cultis et incultis in [stag]nis et molendinis in viis et semitis et exitibus et cum omnibus ai[siamentis et libertati]bus quas predictus Simon camerarius [in predi]ctis villis melius umquam et liberius habuit et tenuit salv[a nobis in omnib]us foresta nostra Ita tamen quod ipsi et heredes eorum focalia et mairemium ad proprias domos et hominum [suorum faciendas et reparandas] per visum ser[vientium nostrorum] de eadem foresta capient et habebunt sine wasto Et si porcos habuerint in foresta et pastus ibi fuerit liberi et quieti erunt de pannagio porcorum de propriis domibus suis sicut alii barones et mil[ite]s nostri quieti sunt et esse debent His testibus Henrico de Puteaco Phi[lippo] vicecomite Gilberto de Leia Roberto d[e Wa]ttevill Gaufrido filio Ricardi Iordano Escolland Thoma de Amundevill Osberto de Lat Laurentio camerario Rogero [de] Audri Gilberto camerario et multis aliis