Charter Document - 03270008

Hugo dei gratia Dunelmensis episcopus et magister Vacar omnibus ad quos littere presentes pervenerint salutem Noveritis causam illam que vertebatur inter priorem de Brid et Odonem militem et Matheum filium e ius super ecclesia de Eston nobis a domino papa delegatam secundum formam mandati e ius amicabili compositione in hunc modum a nobis fuisse sopitam quod scilicet prior memorato Matheo et heredibus e ius ius presentandi personam in predicta ecclesia in perpetuum liberum et quietum dimisit Ita tamen ut quicumque in posterum illius ecclesie persona extiterit canonicis de Brid pensionem dimidie marce annuatim persolvet excepto Nicholao ad personatum iam dicte ecclesie ante tempus presentis compositionis presentato a quo in vita eius pensionem v solidorum percipient Predictus vero Matheus nec heredes sui aliquem ad personatum illius ecclesie presentabunt nisi prius in capitulo canonicorum de Brid iuraverit se pensionem predictam eis fideliter et sine malo ingenio esse soluturum Prior etiam presens erit ubi instituendus presentabitur vel aliquem de canonicis suis si voluerit mittet qui presentationi intersit ut in e ius presentia salva pensione predicta persona presentetur et impersonetur Sed neque Matheus neque heres e ius prenominatam ecclesiam in alicuius alterius collegii viros quam in canonicos de Brid transferre poterit Hanc compositionem auctoritate domini pape quam causa memorata fungebamur confirmamus et quantum ad nos pertinet ratam esse decrevimus Hiis testibus R priore de Novo Burgo magistro Roberto de Swina magistro Roberto Arundel W de Puteaco H fratre eius Rogero de Kirkam Bemardo de Novo Burgo magistro Gocelino magistro Willelmo H de Linc W de Hoved magistro W capellano Th capellano Willelmo filio archiepiscopi Willelmo de Wiverthorp Willelmo de Wilua Hugone de Bracefeld magistro Willelmo de Dimincton Roberto de Herthil Godefrido de Blya et multis aliis