Charter Document - 03270005

Hugo dei gratia Dunelmensis episcopus priori archidiaconis et omnibus clericis et laicis tocius episcopatus sui et universis sancte matris ecclesie filiis ad quos litere presentes pervenerint salutem Sciatis nos dedisse et concessisse et presenti carta confirmasse Henrico de Puteaco pro servitio et homagio suo ad honorem dei et beati Cuthberti et ecclesie nostre sexies viginti acras terre de vasto nostro ex occidentali parte Bruni fluminis inter ipsum flumen et nemus nostrum quod attingit usque ad terram cultam de Aldingrig incipientes exsertantes et mensurandas a terra culta que fuit Willelmi de Rilli ab eodem flumine sursum versus occidentem usque ad terram cultam de Brom et exinde ab austro in aquilonem usque in ipsum flumen Bruni Et si minus quam vi xx acre terre infra predictas metas fuerint eo contenti sint ad faciendum ibi cenobium et conventum canonicorum regularium de ordine sancti Augustini cum aliis terris et rebus quas sibi hereditarie possidendas adquisivit quas predictis canonicis ad semper ibi deo serviendum pro salute karissimi domini nostri Regis Ricardi et heredum suorum et pro nostra salute et nostrorum successorum et sua et uxoris sue et heredum suorum et pro animabus omnium fidelium defunctorum dedit et assignavit Quare volumus et precipimus quod predictus Henricus et heredes sui predictum locum et terram de nobis et successoribus nostris tanquam principales patroni teneant et habeant reddendo inde annuatim beato Cuthberto per manum nostram et successorum nostrorum ad accendendum coram corpore suo tres cereos de tribus libris cere ad festum eiusdem sancti in quadragesima Et si forte ipse vel heredes sui de alia hereditate sua predictos cereos solvere defecerint prior et conventus predicti loci ad honorem eiusdem sancti ei semper sicut suppremo patrono et defensori suo sine defectu persolvent Quare volumus et precipimus quod predictus Henricus et heredes sui et conventus qui ibi deo sub e ius patronatu deserviet predictam terram et firmationem stagni ad molendinum faciendum ubi competentius viderint ex altera parte predicti fluminis Bruni cum aisamentis pasture cum vicinis suis et localium et aliarum rerum sicut vicini melius et honorabilius habent libere quiete et honorifice teneant et habeant sicut aliqua elemosina liberius et honorabilius ab aliquibus religiosis possidetur Hiis testibus Bertramo priore Dunelmensi Burchardo et Willelmo archidiaconis Simone camerario magistro Ricardo de Coldingh Willelmo de Hoved Hugone de Magduno Eustachio de Balleolo Eustachio de Vesci Roberto de Muschamps Waltero filio Gilleberti Ricardo de Umframvilla Gilleberto de la Val Philippo filio Hamonis vicecomite Gilleberto camerario Galfrido filio Ricardi Rogero Daudri Rogero Burdun Petro Harpin Roberto de Humez Daniele de Es Radulfo Daudri Willelmo filio Thome Waltero de Monasteriis Iohanne de Torp Waltero de Aldigrig Helyas de Heppedon et multis aliis