Charter Document - 03270004
| Charter Number: | 03270004 |
|---|---|
| Cartulary Title: | Durham 1153-1195 Volume 24 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1170 - 1180 |
| Date type: | Assigned |
| Resource Link(s): |
Durham Cathedral Archive - Register I (fii6v) Durham Cathedral Archive - Register II (f337v) Durham Cathedral Archive - Register II (f268v) |
Charter:
Hugo dei gratia Dunelmensis episcopus omnibus hominibus totius episcopatus sui Francis et Anglis clericis et laicis tam presentibus quam futuris salutem Sciatis nos dedisse et concessisse et presenti carta confirmasse Radulpho Basset pro homagio et servitio suo totas illas sexcies viginti et quatuordecim acras terre et dimidiam propinquiores campo de Bedic de mora et de terra culta quas in manu nostra retinuimus que remanserunt de terra de Pench cum ei predictam villam de Pench in escambium terre de Midleham tenendam de Iordano Escolland donavimus et molendinum et stagnum totum super rivulum qui vocatur Ellyngbume in terra nostra inter Neubotle et Pench et meremium in foresta nostra ad molendinum illud faciendum et reficiendum per visum forestariorum nostrorum ibi capiendo ubi ad molendina nostra facienda capitur et viam liberam per terram nostram eundi et redeundi ad molendinum predictum habenda et tenenda sibi et heredibus suis de nobis et successoribus nostris in feodum et hereditatem reddendo inde annuatim nobis et successoribus nostris sex marcas argenti ad quatuor terminos per episcopatum constitutos libere quiete et honorifice pro omni alio servitio et auxilio et consuetudine et omni alia exactione Et sciendum est quod predictus Radulphus et heredes sui invenient nobis et successoribus nostris in magna chacea nostra unum hominem cum duobus leporariis per debitum servitium de terra Nicholai de Pench quod nobis idem Nicholaus ante escambium facere solebat Concedimus etiam eidem Radulpho et heredibus suis quia amicabiliter voluntati nostre consensit de predicto escambio ut habeant focalia et alia aisiamenta de foresta nostra ad edificantia sua facienda in Pench per visum forestariorum nostrorum et ut quieti sint de pannagio propriorum porcorum suorum de propria nutritura sua quos non adquisierint contra pannagium nostrum Et idem Radulphus et heredes sui non sequentur placita apud Dunelm pro terra ista nisi sin inplacitat per aliquem vel ipsi alios inplacitaverint nec pro molendino predicto Quare volumus et firmiter precipimus quod predictus Radulphus et heredes sui habeant et teneant de nobis et successoribus nostris prefatas sexcies viginti et quatuordecim acras terre et dictum molendinum et stagnum cum omnibus libertatibus et aisiamentis predictis ad illas acras terre et ad illud molendinum pertinentibus per predictum servitium Nos vero et successores nostri prenominatam terram et molendinum et stangnum et alias predictas libertates et aisiamenta predicto Radulpho et heredibus suis contra omnes homines warantizabimus Hiis testibus Henrico de Puteaco Gilberto Hansard Radulpho Haget tunc vicecomite Michaele filio Briennii Rogero de Coigners Alano de Bruntofte Alano de Chiltopa Alexandro de Hiltona Patricio de Ufferton Galfrido de Torp Ricardo de Parco Ricardo de Punchard et multis aliis