Charter Document - 03270002
| Charter Number: | 03270002 |
|---|---|
| Cartulary Title: | Durham 1153-1195 Volume 24 |
| Charter Language: | Latin |
| Charter Origin: | Religious |
| Charter Type(s): | Quitclaim |
| Date: | 1189 |
| Date type: | Assigned |
| Resource Link(s): |
|
Charter:
Hugo dei gratia Dunolmensis episcopus Northumbrie comes omnibus hominibus totius episcopatus et comitatus sui Francis et Anglis salutem Sciatis sic inter nos et Bernardum de Balleolo convenisse super terra de Westwic quam adversus eum calumpnia damur quod nos ei et heredibus eius terram illam quietam clamavimus de nobis et successoribus nostris tenendam et habendam ad baroniam suam pro escambio quod nobis in villa de Neuton de dominio suo et de terra villanorum suorum donavit acram videlicet pro acra de terra culta et acram similiter pro acra de terra inculta tenendam et habendam ad episcopatum nostrum inperpetuum Et si forte contigerit quod heredes Maldredi filii Dolfini querelam adversus predictum Bernardum vel heredem eius de predicta terra de Westwic moverint et inde eum in placitum traxerint episcopus vel successores eius eis inde pacem habere faciet vel predictam terram de Neuton eis restituet salva sibi querela sua de terra de Westwic adversus predictum Bernardum vel heredem eius et heredem predicti Meldredi Hiis testibus Ricardo et Willelmo archidiaconis Gaufrido filio Petri Willelmo de Stutevilla Bertram de Virdun Roberto de Witefeld Willelmo filio Audelini Michaele Relet Guydone de Roencourt et multis aliis