Charter Document - 03261295
| Charter Number: | 03261295 |
|---|---|
| Cartulary Title: | Chichester 1254-1305 Volume 23 |
| Charter Language: | Latin |
| Charter Origin: | Religious |
| Charter Type(s): | Letter |
| Date: | 1282 |
| Date type: | Internal, A.D. |
| Resource Link(s): |
Reference Document for this Embedded Document |
Charter:
venerabili patri in Cristo ac domino domino S dei gratia Cyc episcopo suus humilis et devotus R de Burne officialis domini [] archidiaconi Cycestren salutem et tam debitam quam devotam cum omni honore reverentiam et obedientiam Noverit sancta paternitas vestra me ad mandatum vestrum super ecclesie de Tullytone vacatione ac persona ad eandem presentata in pleno capitulo de Mydherst celebrato in ecclesia de Pettewerth die iovis proxima ante festum apostolorum Philippi et Iacobi diligenter fecisse inquisitionem Que dicit quod ecclesia predicta vacat et quod dominus Ricardus nuper rector eiusdem admissus est ad ecclesiam de Kyngestone et rector in eadem institutus Dicit etiam quod prior et conventus Lewen sunt veri patroni predicte ecclesie et ultimo presentarunt ad eandem ecclesiam supradictum Ricardum et ad eorum presentationem dictus Ricardus et alii sui predecessores rectores eiusdem ad eandem ecclesiam fuerant admissi et instituti Dicit etiam quod est pensionatus domui de Lewes predicto in xii solidis et est estimationis novem marcarum Dicit etiam quod magister Robertus de Petewerth presens rector ecclesie de Pett exhibens mandatum procuratorium opposuit se dicens ecclesiam predictam esse capellam ecclesie de Pettewerth et appellans ne quicquam per me officialem in inquirendo seu alia facienda in dictum facti preiudicium attemptetur Dicit etiam inquisitio quod diversi semper consueverunt esse rectores in ecclesia de Pettewerth et ecclesia de Tullytone et est matrix ecclesia cum cura animarum habens baptisterium et sepulturam Dicit etiam inquisitio quod rector ecclesie de Pett est inductus in corporalem possessionem ecclesie de Tullytone causa rei servande ex primo decreto per [] officialem vestrum De persona vero presentata laudabile perhibet testimonium et est subdiaconus Que omnia sancte paternitati vestre tenore presentium significo utrum sit largiosa vel non vestre committit sancte discretioni Valeat et vigeat vestra reverenda paternitas semper in domino Dat die et loco predictis anno domini mcc octagesimo secundo