Charter Document - 03261288

Innocentius episcopus servus servorum dei dilectis filiis priori et conventui monasterii sancti Pancratii Lewen Cluniacen ordinis Cicest diocesis salutem et apostolicam benedictionem Devotionis vestre merita nos inducunt ut favore vos apostolico multipliciter prosequentes specialem vobis gratiam faciamus Hinc est quod nos vestris supplicationibus inclinati devotioni vestre auctoritate presentium indulgemus ut nulli decetero per litteras apostolicas vel legatorum apostolice sedis impetratas nisi iam sit earum auctoritate processum vel etiam impetrandas de beneficiis ecclesiasticis cum cura vel sine cura animarum in quibus vos vel membra vestra ius patronatus habetis aut pensionibus in monasterio vestro vel ipsis membris seu ecclesiis vestris provideri valeat nec vos vel membra vestra per huius litteras ad cuiuscumque provisionem in predictis beneficiis vel pensionibus compelli possitis nisi plena et expressa in eisdem litteris apostolicis de monasterio sancti Pancratii Lewen et huius tenore indulgentie mencio habeatur etiam si contineatur in ipsis quod earum impetrationibus quelibet apostolica indulgentia non obsistat per quam facta est eis grata impediri valeat vel differri aut de qua vel cuius tenore specialem vel expressam fieri oporteat in nostris litteris mentionem Nulli ergo omnino hominum liceat hanc paginam nostre concessionis infringere vel ei ausu temerario contraire Si quis autem hoc attemptare presumpserit indignationem omnipotentis dei et beatorum Petri et Pauli apostolorum eius se noverit incursurum Dat Lugdun primum idus Septembris pontificatus nostri anno septimo