Charter Document - 03261223
| Charter Number: | 03261223 |
|---|---|
| Cartulary Title: | Chichester 1254-1305 Volume 23 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1174 - 1181 |
| Date type: | Assigned |
| Resource Link(s): |
Reference Document for this Embedded Document |
Charter:
Ricardus dei gratia Cant archiepiscopus tocius Angl primas et apostolice sedis legatus universis Cristi fidelibus ad quos littere presentes pervenerint salutem in eo qui est salus universorum In communem volumus devenire noticiam quod cum inter dilectos filios nostros priorem et monachos de Sele et ecclesiam de Terring super decimis quibusdam de Deriton controversia diucius ageretur tandem in presencia nostra hoc fine conquievit scilicet quod prefati monachi de Sele et ecclesia de Terring prescriptas decimas de Deriton communibus expensis colligent singulis annis et eas in domo quadam que in cimiterio de Deriton fieri debet communibus expensis reponent et easdem decimas inter se penitus ex equo divident ita scilicet quod sicut circa decimas colligendas labores et expensas prorsus communicant ita etiam divisa ex equo inter se decimarum emolumenta percipient Curam quoque prefati horrei communiter inter se gerent ita quod utraque pars suam adhibebit seram et sere custodem