Charter Document - 03261220
| Charter Number: | 03261220 |
|---|---|
| Cartulary Title: | Chichester 1254-1305 Volume 23 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1150 |
| Date type: | Internal, A.D. |
| Resource Link(s): |
Reference Document for this Embedded Document |
Charter:
Hillarius dei gratia Cicestr episcopus omnibus matris ecclesie filiis ad quos carta ista pervenerit salutem Quoniam ad curam et sollicitudinem nostram spectat ecclesiis nobis a deo commissis et maxime hiis que maiori florent religione salubriter providere concedimus ecclesie sancti Petri de Sela et fratribus in ea regulariter viventibus ad monasterium sancti Florentii de Salmur pertinentibus ecclesiam ipsam de Sela ecclesiam sancti Nicholai de Brembriam ecclesiam sancti Nicholai de Sorham ecclesiam sancte Marie de Portu ecclesiam sancti Petri de Veteri Ponte ecclesiam de Wassingtona decimas de dominico Willelmi de Breiosa apud Findonam et Cleitonam decimam de dominico Roberti Salvagii apud Derintonam duas mansiones apud portum de Sorham ex dono Willelmi de Breiosa liberas ab omni taillagio et consuetudine cum quarta parte nundinarum eiusdem loci quinque mansiones apud Brembr ex dono Symonis comitis et patris eius Has itaque ecclesias supradictas cum terris et decimis et aliis omnibus ad eas pertinentibus et decimas et domos et alia omnia que prenominata sunt tam nostra quam capituli nostri auctoritate confirmamus sub periculo anathematis prohibentes ne aliquis supradictis fratribus hec auferre vel minuere presumat Facta est autem hec carta anno incarnationis dominice millesimo centesimo quinquagesimo