Charter Document - 03260337
| Charter Number: | 03260337 |
|---|---|
| Cartulary Title: | Chichester 1254-1305 Volume 23 |
| Charter Language: | Latin |
| Charter Origin: | Religious |
| Charter Type(s): | Indulgence |
| Date: | 1295 |
| Date type: | Internal, A.D., Calendar |
| Resource Link(s): |
|
Charter:
Universis sancte matris ecclesie filiis ad quos presentes litere pervenerint Gilbertus permissione divina Cycestrensis ecclesie minister modicus salutem in omnium salvatore Mortuorum memoria eo prestancior cunctis esse dinoscitur quo magis vivis cedit ad meritum et prestat suffragia resolutis Nos igitur de omnipotentis dei misericordia beate et gloriose virginis Marie beati Ricardi confessoris omniumque sanctorum meritis confidentes omnibus parochianis nostris et aliis quorum diocesani hanc nostram indulgenciam ratam habuerint de peccatis suis vere contritis penitentibus et confessis qui pro anima Willelmi Lungespeye comitis Sarr cuius corpus in capella cathedralis ecclesie beate Marie Sarr requiescit humatum et pro animabus omnium fidelium defunctorum orationem dominicam cum salutacione beate virginis dixerint mente pia triginta dies indulgencie concedimus per presentes In cuius rei testimonium sigillum nostrum presentibus est appensum Datum London iiii nonas Decembris anno gracie millesimo ducentesimo nonogesimo quinto