Charter Document - 03260330
| Charter Number: | 03260330 |
|---|---|
| Cartulary Title: | Chichester 1254-1305 Volume 23 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1303 |
| Date type: | Internal, A.D., Calendar |
| Resource Link(s): |
|
Charter:
Excellentissimo principi domino E dei gratia illustri regi Angl domino Hybern et duci Aquitann G eiusdem miseratione Cycestren ecclesie minister modicus et indignus salutem in eo qui potentibus iudicare iusticiam et regibus dat regnare Excellencie vestre notum facimus per presentes quod Robertus Mauleverir nostre diocesis propter suas contumacias et offensas contractas multipliciter coram nobis est per nos auctoritate ordinaria excommunicacionis sententia laqueatus in qua sordescens per quadraginta dies et amplius perseverare indurato animo non formidat claves ecclesie contempnendo in anime sue periculum et scandalum plurimorum Cum igitur ecclesia ultra non habeat quid faciat in hac parte dominacioni vestre regie supplicamus quatinus iuxta regni vestri consuetudinem contra eundem extendere dignemini brachium seculare execucionem vestre cohercionis vicecomiti Sussex si placet demandando ut quem timor dei a malo non revocat corporalis pena cohibeat a peccato Serenitatem vestram in honore dierum longitudine et salute dirigat altissimus et conservet Dat apud Amberley x kalen Iunii anno domini millesimo ccc tertio