Charter Document - 03260320
| Charter Number: | 03260320 |
|---|---|
| Cartulary Title: | Chichester 1254-1305 Volume 23 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1294 |
| Date type: | Internal, Calendar |
| Resource Link(s): |
|
Charter:
Magnifico et excellentissimo principi domino Edwardo dei gratia illustri regi Anglie domino Hybernie et duci Aquitannie Gilbertus eiusdem miseracione Cycestren ecclesie minister modicus et indignus salutem in eo qui potentibus iudicare iusticiam et regibus dat regnare Excellencie vestre regie notum facimus per presentes quod Allanus de Pollingefeld nostre dioecesis propter suas contumacias et offensas contractas multipliciter coram nobis est per nos auctoritate ordinaria excommunicacionis sentencia laqueatus in qua sordescens per quadraginta dies et amplius adhuc perseverare indurato animo non formidat claves ecclesie contempnendo in anime sue periculum et scandalum plurimorum Cum igitur ecclesia non habeat ultra quid faciat in hac parte dominacioni vestre regie supplicamus quatinus iuxta regni vestri consuetudinem contra eundem extendere dignemini brachium seculare vicecomiti Sussex super hoc demandando ut quem timor dei a malo non revocat corporalis pena cohibeat a peccato Serenitatem vestram in honore dierum longitudine et salute dirigat altissimus et conservet Valete Datum London xi kalendas Octobris anno domini MCC nonagesimo quarto