Charter Document - 03260318
| Charter Number: | 03260318 |
|---|---|
| Cartulary Title: | Chichester 1254-1305 Volume 23 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1291 |
| Date type: | Internal, Calendar |
| Resource Link(s): |
|
Charter:
Magnifico et excellentissimo principi domino Edwardo dei gratia illustri regi Anglie domino Hybernie et duci Aquietannie Gilbertus eiusdem miseracione Cycestr ecclesie minister modicus et indignus salutem in eo qui potentibus iudicare iusticiam et regibus dat regnare Excellencie vestre regie notum facimus per presentes quod Adam de le But Robertus le Faukener et Iohannes le Faukener nostre dioecesis propter suas contumacias et offensas contractas multipliciter coram nobis sunt per nos auctoritate ordinaria excommunicacionis sentencia laqueati in qua sordescentes per quadraginta dies et amplius adhuc perseverare induratis animis non formidant claves ecclesie contempnendo in animarum suarum periculum et scandalum plurimorum Cum igitur ecclesia ultra non habeat quid faciat in hac parte dominacioni vestre regie supplicamus quatinus iuxta regni vestri consuetudinem contra eosdem extendere dignemini brachium secula[re vicecomiti] Sussex super hoc precipiendo ut quos timor dei a malo non revocat corporalis pena cohibeat a peccato Serenitatem vestram [in honore dierum] longitudine et salute dirigat altissimus et conservet Valete Datum apud Cacham vi kalendas Ianuarii anno domini MCC [nonagesimo primo]