Charter Document - 03260313
| Charter Number: | 03260313 |
|---|---|
| Cartulary Title: | Chichester 1254-1305 Volume 23 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1289 |
| Date type: | Internal, Calendar |
| Resource Link(s): |
|
Charter:
Magnifico principi et domino reverendo domino E dei gratia illustri regi Angl domino Hibern et duci Aquit G eiusdem permissione Cycestren ecclesie minister modicus salutem in eo per quem potentes iusticiam iudicant et qui regibus dat regnare Excellencie vestre cuius est sponsam Cristi ecclesiam in suis iuribus et libertate tueri et in gladio punire iusticie quos in ipsius ecclesie iniuriam opprobrium et contemptum invenerit machinantes presentibus innotescat quod frater Ricardus abbas de Begeham predicte Cycestr dyocesis est per nos excommunicacionis sententia auctoritate ordinaria innodatus in qua sordescens per quadraginta dies et amplius adhuc perseverare indurato animo non formidat claves ecclesie dampnabiliter contempnendo in anime sue periculum et scandalum plurimorum Cum igitur ecclesia ultra non habeat quid faciat in hac parte magnificenciam vestram regiam exoramus quatenus iuxta regni vestri consuetudinem contra dictum excommunicatum extendere dignemini brachium seculare ut quem timor dei a malo non revocat corporalis pena cohibeat a peccato Dominacioni vestre augeat altissimus honorem dierum longitudinem et salutem Dat apud Cacham vii kal Decembris anno gratie millesimo ducentesimo octogesimo nono