Charter Document - 03260312
| Charter Number: | 03260312 |
|---|---|
| Cartulary Title: | Chichester 1254-1305 Volume 23 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1289 |
| Date type: | Internal, Calendar |
| Resource Link(s): |
|
Charter:
Excellentissimo principi domino Edwardo dei gratia illustri regi Anglie domino Hybernie et duci Aquitannie Gilbertus miseracione divina Cycestren ecclesie minister modicus regnantis rectitudinem et gloriam sempiternam Celsitudini regie tenore presencium intimamus quod cum dominus Adam carpentarius de Hasting nostre dyoecesis maioris excommunicacionis sentencia auctoritate nostra innodatus per quadraginta dies et amplius [] animo indurato pertinaciter perstitit claves ecclesie contempnendo in anime sue periculum et aliorum perniciosum exemplum Cum igitur sancta mater ecclesia non habeat ulterius quid faciat in hac parte maiestati vestre regie humiliter supplicamus quatinus ad ipsius [m]aliciam compescendam brachium extendere seculare dignemini secundum regni Anglie consuetudinem hactenus usitatam ut quem timor dei a malo non revocat secularis saltim severitas cohibeat a peccato Custodiat dominus excellenciam vestram per tempora longiora Datum apud Cacham vi nonas Octobris anno domini millesimo CC octogesimo nono