Charter Document - 03260311
| Charter Number: | 03260311 |
|---|---|
| Cartulary Title: | Chichester 1254-1305 Volume 23 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1288 |
| Date type: | Internal, Calendar |
| Resource Link(s): |
|
Charter:
Excellentissimo domino suo domino E dei gratia regi Angl domino Hibern et duci Aquit G eadem miseracione Cycestrens ecclesie electus humil[is] salutem in domino cum omni reverencia et honore Cum Simon de Kateford presbiter vicarius ecclesie de Ifeud de morte magistri Galfridi de [Ga]tes quondam archidiaconi Cicestr dudum extitit in nostra dyocesi pupplice diffamatus et propter hoc captus et carceri mancipatus ac de[in]de ad exactionem nostram adiudicandum in foro ecclesiastico secundum libertates ecclesiasticas nobis per dominos Salomonem de Roffa Thomam de Siddinton Walterum de Hupton et Ricardum de Boylaund iusticiarios vestros ultimo itinerantes in comitatu Sussex liberatus fuisset idemque capellanus nedum de morte dicti Galfridi sed etiam consensu et auctoritate per ipsum ut dicebatur adhibitis in eadem ac receptacione eorum qui eum interfecerint canonice se purgaverit maiestati vestre supplicamus attente quatinus terras tenementa bona et catalla capellani antedicti eidem occasione predicta in regno vestro detenta ut sibi restituantur sicut ad vestram excellenciam pertinet ob honorem dei et ecclesie sue sancte iubere velitis Conservet altissimus prosperitatem vestram semper incolumnitatem Dat Lond viii idus Augusti anno domini mcc octogesimo octavo