Charter Document - 03260307

Universis sancte matris ecclesie filiis ad quorum notitiam presentes littere pervenerint G dei gratia Cycestren ecclesie minister humilis salutem in domino sempiternam Cum dilecti in Cristo filii Willelmus de Braclesham tunc decanus Cyc patronus ecclesie de Lerdyton et Walterus de Braclesham rector dicte ecclesie de Lerdyton divinum famulatum in ecclesia Cyc iugiter affectantes ampliari ius universum quod uterque eorum in predicta ecclesia undecumque eisdem proveniens habuerunt seu habent in presenti pure simpliciter et absolute nostre ordinationi et pronuntiationi supposuerunt ut de ipsa ecclesia et iure patronatus eiusdem prout in nobis discretio et provisio salubris a deo fuerit inspirata ad dei laudem et honorem ordinemus et pronuntiemus Nos vero invocata spiritus sancti gratia in hac parte sic duximus ordinandum In dei nomine amen Gratam dictorum dominorum Willelmi de Braclesham et Walteri nunc rectoris dicte ecclesie de Lerdyton in dicta suppositione voluntatem advertentes ipsorumque Willelmi et Walteri desiderium quam plurimum affectantes auctoritate pontificali spiritualiter dilatare de predicta ecclesia de Lerdyton et omnibus eius appenditiis taliter ordinamus et ordinando pronuntiamus videlicet quod dictus Walterus habeat et teneat dictam ecclesiam cum suis pertinentiis sicut hucusque usque ipsam habuit et tenuit solvendo annuatim dictis [] decano et capitulo et eorum successoribus in perpetuum quadraginta solidos de fructibus ipsius ecclesie ad duos anni terminos Purificationis videlicet beate Virginis et nativitatis beati Iohannis Baptiste pro equali portione de quibus quadraginta solidis sic ordinamus quod una marca remaneat dictis [] decano et capitulo in perpetuum in augmentum cantarie quam prefatus Willelmus decanus instituit in ecclesia Cyc alia marca solvatur alicui clerico vel capellano assignando per decanum Cyc qui pro tempore fuerit qui intersit horis et misse beate Marie secundum consuetudinem ecclesie predicte tertia marca assignetur et solvatur capellano parochiali sancti Petri qui pro tempore fuerit extra portam fratrum minorum Cyc ad victum suum per dictos [] decanum et capitulum vel eorum communarium terminis suprascriptis in perpetuum Cedente vero vel decedente dicto Waltero eiusdem ecclesie de Lerdyton rectore predicti [] decanus et capitulum presentent ad dictam ecclesiam nobis vel successoribus nostris sacerdotem ydoneum in perpetuum qui postquam ad ipsam fuerit admissus iurabit fidelitatem predicte ecclesie Cyc et quod ipsam pensionem fideliter terminis prescriptis persolvet Ordinamus in super et pronuntiamus quod predictus Walterus et successores sui in eadem ecclesia eidem succedentes omnia onera ordinaria et extraordinaria predicte ecclesie incumbentia una cum refectione cancelli eiusdem ecclesie et librorum et ornamentorum aliorum quotiens emendatione vel reparatione indigenti supportent in perpetuum salva nobis et successoribus nostris iure pontificali in ecclesia memorata Quicumque igitur hanc nostre ordinationis et pronuntiationis paginam infringere vel ei ausu temerario contravenire presumpserint omnipotentis dei maledictionem et nostram se noverit incursurum Dat apud Cacham xi kalen Ianuarii anno domini millesimo ducentesimo nonagesimo tertio