Charter Document - 03260303
| Charter Number: | 03260303 |
|---|---|
| Cartulary Title: | Chichester 1254-1305 Volume 23 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1291 |
| Date type: | Internal, Feast |
| Resource Link(s): |
|
Charter:
Noverit universi quod nos Gilbertus miseratione divina Cic episcopus dedimus concessimus et hoc scripto confirmavimus Roberto de Burgham et Isabelle uxori sue totam terram illam et tenementum que aliquando de nobis tenuit Henricus Testard in Westergate in manerio nostro de Aldyngbourne cum domibus edificiis pratis pascuis pasturis aquis viis semitis communis planis et omnibus aliis pertinentiis ad predictam terram seu tenementum quibuscumque spectantibus habendis et tenendis totam predictam terram et tenementum cum omnibus suis pertinentiis antedictis dictis Roberto et Isabelle quoad vixerit de nobis et successoribus nostris libere et quiete reddendo inde annuatim nobis et successoribus nostris dictis Roberto et Isabelle decem solidos sterlingorum ad quatuor anni terminos principales pro equali portione persolvendos pro omni servitio seculari consuetudine et demanda salvo nobis et successoribus nostris annuo servitio communi ad pratum nostrum in predicto manerio debito et consuetudine dicto consueto In cuius rei testimonium presentibus sigillum nostrum apponi fecimus Presentibus et testibus nobis Willelmo de Braclesham tunc decano magistro Roberto de Wystneston thesaurario ecclesie Cic Willelmo de Yrton et Rogero de Grava dominis Roberto de Purly Gervasio de Sagio et Richere canonicis Cic tunc ibidem residentibus Datum et actum in capitulo nostro in crastino omnium sanctorum anno gratie MCC nonagesimo primo et anno regni regis Edwardo decimo nono