Charter Document - 03260302
| Charter Number: | 03260302 |
|---|---|
| Cartulary Title: | Chichester 1254-1305 Volume 23 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1289 |
| Date type: | Assigned |
| Resource Link(s): |
|
Charter:
Sciant presentes et futuri quod nos Gilbertus miseratione divina Cicestr episcopus dedimus concessimus et hac presenti carta nostra confirmavimus Roberto de Burgham et Is uxori dicti Roberti et heredibus eiusdem Roberti totam terram illam quam Iohannes de Hadham de nobis aliquando tenuit in Westergate in manerio de Aldingborne cum domibus edificiis pratis pascuis pasturis aquis viis semitis communibus et omnibus aliis quibuscunque pertinentiis suis habendam tenendam et possidendam predictam terram cum domibus et omnibus pertinentiis suis dictis Roberto et Isabelle uxori sue et heredibus ipsius Roberti de nobis et successoribus nostris libere quiete bene et in pace inperpetuum reddendo inde annuatim nobis et successoribus nostris v solidos sterlingorum ad quatuor anni terminos videlicet ad festum sancti Michaelis xv denarios ad festum sancti Andree apostoli xv denarios ad festum annuntiationis beate Marie xv denarios et ad festum nativitatis sancti Iohannis Baptiste xv denarios pro omni servicio seculari exactione consuetudine et demanda Et ut hec nostra donatio concessio et presentis carte nostre confirmatio perpetue firmitatis robur optineat presentem cartam sigillorum nostrorum inpressione roboravimus Hiis testibus domino Iohanne Peche milite Waltero de Wike Iohanne de Hocton Willelmo de Hocton Iohanne de Brommor Willelmo de sancto Georgio Nicholao Avenel Thoma de Waltham Iohanne de Ertham Willelmo de Barghamwyke Iohanne Daundeuyle Philippo de Nyton et aliis