Charter Document - 03260301
| Charter Number: | 03260301 |
|---|---|
| Cartulary Title: | Chichester 1254-1305 Volume 23 |
| Charter Language: | Latin |
| Charter Origin: | Religious |
| Charter Type(s): | Inspeximus |
| Date: | 1298 |
| Date type: | Internal, A.D., Calendar |
| Resource Link(s): |
|
Charter:
Universis Cristi fidelibus ad quos presentes littere pervenerint Gilbertus permissione divina Cicestren episcopus salutem in omnium salvatore Noverit universitas vestra nos inspexisse et diligenter examinasse litteram concessionis et conventionis factam inter prebendarium prebende de Bracklesham et ipsius tenentes ex parte una et prebendarium prebende de Thorneye ex altera sub eo qui sequentur tenore Anno regni regis Edwardi vicesimo sexto in festo Pasche conventum est inter magistrum Henricum de Gerlande canonicum Cicestren et prebendarium prebende de Thorneye ex parte una et dominum Walterum de Brackelsham canonicum Cicestr et prebende de Bracklesham prebendarium Nicholaum de Cheyny Henricum de Bracklesham Iohannem West Simonem de Bracklesham et Henricum de Lawaynre tenentes de Bracklesham ex altera Videlicet quod predictus dominus Walterus Nicholaus de Cheyny Henricus de Bracklesham Iohannes West Simon de Bracklesham et Henricus de Lawaynre concesserunt ad instantiam dicti magistri Henrici pro se et heredibus suis vel assignatis suis quod idem magister Henricus possit facere et construere super terram suam de Thorneye molendinum aquaticum ad dictam prebendam suam pertinens et aquam illuc decurrentem dirigere et ordine debito et congrue ducere et warram facere de terra sua de Thorneye usque ad pasturam eorundem que vocatur Uthere sine dampno eorundem pro se et successoribus suis in eadem prebenda et quod possit obturare eandem aquam secundum quod decet pro commodo suo ita quod non sit ad detrimentum aut gravamen pasture seu terre eorundem nec vie que vocatur Betelsford nec quod aqua superhabundet ultra bundas de communi consensu affixas per obturationem warre seu excluse sue et quod non fodiat de terra eorum ad faciendam warram suam nec iter vel viam habeat predictus magister Henricus nec successores sui nec aliqui alii nomine eorundem ultra terram predictorum tenentium de Bracklesham ratione dicti molendini nec perturbet eosdem vel heredes suos seu assignatos piscari vel wasdon traherit in dicto stagno ipso ratione terrarum suarum de Bracklesham contingente secundum quod facere consueverunt Et si contingat quod predictus magister Henricus vel aliquis successorum suorum contra hanc conventionem antedictam evenerit vult et concedit pro se et successoribus suis quod decanus ecclesie Cicestr qui pro tempore fuerit faciat levari de ipso et successoribus suis quotiens dictus magister Henricus vel successores sui contra hanc concessionem ut predictum est evenerit ad fabricam ecclesie Cicestr dimidiam marcam et ad opus tenentium de Bracklesham dimidiam marcam sine aliqua sui contradictione vel successorum suorum In quorum omnium testimonium huic scripto bipartito sigilla sua partes predicte alternatim apposuerunt Hiis testibus Laurentio de Bodeghton Iohanne de Westeryng Henrico de Halnebuyst Iohanne de Godynewoode Iohanne Russell Waltero Blundell Willelmo de Eypernige et multis aliis Cui autem concessioni seu conventioni rem prebemus gratam assensu et eam ex certa scientia approbantes pontificali auctoritate confirmamus et presens scriptum sigillo nostro communiri fecimus in testimonium premissorum Dat apud Deryngewyke septimo non Maii anno domini millesimo ducentesimo nonagesimo octavo