Charter Document - 03260292
| Charter Number: | 03260292 |
|---|---|
| Cartulary Title: | Chichester 1254-1305 Volume 23 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1262 - 1287 |
| Date type: | Assigned |
| Resource Link(s): |
|
Charter:
Universis presentes litteras visuris vel audituris Stephanus miseratione divina Cic ecclesie minister humilis salutem in domino sempiternam Noverit universitas vestra nos dedisse et concessisse Rad[ulf]o le Sauser de Preston pro servitio suo domos et totam terram cum omnibus pertinentiis suis que Iohannes bone memorie predecessor noster eidem concesserat quoad vixerit libere habendos tenendos et possidendos de nobis et successoribus nostris sibi et heredibus suis libere et quiete prout hactenus per cartam supradictam predecessoris nostri liberius tenere consuevit iure hereditarie imperpetuum unacum crofta qui iacet iuxta portam curie nostre de Preston quam etiam per hanc cartam nostram sibi et heredibus suis liberam concedimus reddendo nobis et successoribus nostris annuatim pro predictis domibus et terra unam marcam argenti ad duos anni terminos videlicet ad festum sancti Michaelis dimidiam marcam et ad annuntiationem beate Marie dimidiam marcam et pro predicta crofta ad Natalem domini ii solidos sterlingorum pro omni servitio seculari exactione consuetudine et demanda Nos vero et successores nostri omnia predicta domos et terram cum omnibus suis pertinentiis predicto Rad[ulf]o et heredibus suis contra omnes gentes warantizabimus acquietabimus et defendemus imperpetuum per predictum servitium Et ut hec nostra donatio concessio et presenti warantizatio firma et stabilis semper perseveret presentem cartam sigilli nostri appositione roboravimus