Charter Document - 03260286
| Charter Number: | 03260286 |
|---|---|
| Cartulary Title: | Chichester 1254-1305 Volume 23 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1286 |
| Date type: | Internal, Calendar, Feast |
| Resource Link(s): |
|
Charter:
Universis sancte matris ecclesie filiis ad quos presens scriptum pervenerit Stephanus dei gratia Cicestr episcopus salutem in domino sempiternam Cum domina Cecilia de Gadesden una de filiabus et heredibus quondam domini Reginaldi Aguillun defuncti quasdam terras et tenementa ac possessiones quas et que de feodo nostro et ecclesie nostre Cic in parochia de Climpinges in loco qui dicitur Islesham tenuit pro quibus nobis in homagio et secta curie tenebatur religiosis viris priori et fratribus sancte domus hospitalis Ierosolim in liberam puram et perpetuam elemosinam dederit et concesserit nos pro nobis et successoribus nostris de consensu et assensu capituli Cic dictam donationem et concessionem ratificantes per omnia dictis priori et fratribus et eorum successoribus dictarum terrarum et tenementorum liberum ingressum dedimus et permisimus et quietum tenendam et habendam libere et quiete pacifice absque secta alicuius curie nostre vel hundredi et absque omni homagio seu fidelitate facienda vel aliquo servitio seu consuetudine nobis aut successoribus nostris in posterum faciendo in liberam puram et perpetuam elemosinam Concessimus etiam eisdem priori et fratribus eorumque successoribus pro nobis et successoribus nostris homagium et quodcumque habuimus in dicto feodo in terris et tenementis quas et que nunc tenent dominus Iohannes de sancto Audoeno dominus Rogerus Conert et Alicia Haket coheredes dicte Cecilie de Gadesden cum omnibus iuribus et pertinentiis nomine ecclesie Cic qualitercumque spectantibus contingentibus Damus etiam et concedimus eisdem priori et fratribus cum predictas terras et tenementa sibi quoquomodo et adquirere potuerint liberum ingressum et quietum tenendum et habendum libere quiete pacifice absque secta curie seu hundredi et absque omni homagio seu fidelitate inde facienda vel aliquo servitio seu consuetudine nobis aut successoribus nostris in posterum faciendo in liberam puram et perpetuam elemosinam Pro hac autem concessione et dictarum terrarum et tenementorum cum pertinentiis introitus donatione et permissione dederunt nobis et successoribus nostris imperpetuum dicti prior et fratres predicti hospitalis unam libram cere et viginti solidos annui redditus quam ceram et quem redditum dicti prior et fratres consueverunt percipere in parochia de Estden de una hida terre quam habuerunt de dono concessione et elemosina quondam Willelmi Pandulfi et heredum suorum prout in carta dictorum prioris et fratrum inde nobis confecta plenius testatur una cum tenentibus dicte hide terre et eorum exitu secta et sequela habitantibus releviis escaetis consuetudinibus et servitiis eorundem necnon et omnibus aliis et singulis que exinde quocumque modo poterunt provenire In quorum omnium testimonium et perpetuam rei memoriam sigillo nostro una cum sigillo decani et capituli Cicestr qui omnibus et singulis suum prebuerunt concensum et assensum presens scriptum fecimus communiri Hiis testibus dominis Nigello de Brok Roberto de Hotet Luca de Vyene Iohanne Pecte Iohanne Ticrull Henrico de Lions militibus Iohanne de Ferrynges Petro de Elmere Gervasio de Wyldesbrugge Galfrido de Fanarthe et aliis Dat apud Selseye pridie Idus Octobris anno domini mcc octogesimo sexto