Charter Document - 03260285

Viro venerabili multa laude et honore digno domino Iohannis de Kirkeby Stephanus miseracione divina Cycestrene episcopus salutem et sinceram in domino dileccionem cum omnimoda complacendi voluntate Licet merita nostra nulla precesserint quorum optentu vestram onerare debemus nostris precibus discrecionem ut tamen vestra memoria ante nostre mentis oculos recentius vigeat discrecionem vestram circumspectam precum primiciis presumimus excitare petere prius a vobis cupientes quam conferre ut post inpensa servicia grata sequatur relatio gratiarum Cum itaque magister Iohannes de Fering quandam assisam nove dissesine coram dominis Iohanne de Cobeham et Elia de Bekingeham prefato magistro favorabilibus in quindena beati Iohannis Baptiste contra nos et quosdam de nostris falso ara iniare proponat et ob favorem domini Iohannis de Wautone vicecomitis Sussex cui prefatus magister Iohannes optentu cuiusdam matrimonialis contractus inter nepotem ipsius magistri et filiam dicti Iohannis vicecomitis nuper initi intime confederatur quamquam de ipsorum Iohanne et Elia fide titubare non oporteat ut credimus consulcius tamen estimantes ut eis aliquis fide dignis in recepcione huius assise adiungatur magistrum Ricardum de Stanes eisdem associari peroptamus Huius igitur voti nostri vos elegimus promotorem supplicantes et erga dominum [] cancellarium instare velitis quocitius hec nostra petitio effectum capiat concupitum Litteras vestras si placet predictis Iohanne et Elia dirigentes eos que rogantes ut sublato gratie favore nobis iustitiam reddant faciantque predictum magistrum Iohannem aliquem titulum ostendere seu exprimere cuius ratione liberum tenementum de tenemento a quo per nos se dicit electum clamare possit seu debeat quodque breve aliquid non placitent nisi quod ipse vicecomes sub sigillo domini [] regis receperit vel quod eidem liberatum fuerat per alium vicecomitem qui eum precessit per cyrographum tempore quo ad officium vicecomitis fuerat evocatus Beneplacitum vestre voluntatis super hiis una cum hiis que vobis erga nos placita fuerint per presentes littere baiulum si placet nobis re mandetis Augeat vobis honorem altissimus viteque tribuat prosperitatem per tempora longa