Charter Document - 03260283
| Charter Number: | 03260283 |
|---|---|
| Cartulary Title: | Chichester 1254-1305 Volume 23 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1264 - 1265 |
| Date type: | Internal, Calendar |
| Resource Link(s): |
|
Charter:
Excellentissimo domino suo Henrici dei gratia illustri regi Anglie domino Hybernie duci Aquitannie Stephanus eiusdem gratia Cicestr ecclesie minister humilis salutem et quicquid potest honoris et obsequii cum omni reverencia Noverit regia excellencia vestra Philippum dictum Le Bocher et Rogerum de la Hole filium eiusdem propter eorum multiplicatam contumaciam et offensam manifestam sententia excommunicacionis esse innodatos in qua per quadraginta dies et amplius pertinaciter perseverantes in eadem sordescere non formidant claves ecclesie dampnabiliter contempnendo Quo circa regie serenitati vestre humiliter et devote supplicamus quatinus quod vestrum est in hac parte secundum regni vestri consuetudinem vestra dignetur exequi dominacio Valeat regie dignitatis vestre excellencia semper in domino Datum London iiii idus Februarii anno domini MCCLX quarto