Charter Document - 03260281
| Charter Number: | 03260281 |
|---|---|
| Cartulary Title: | Chichester 1254-1305 Volume 23 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1263 |
| Date type: | Internal, Calendar |
| Resource Link(s): |
|
Charter:
Excellentissimo domino Henrici dei gratia regi Anglie domino Ybernie et duci Aquitannie suus eadem gratia Stephanus Cycestr ecclesie minister humilis salutem et debitum obsequii famulatum cum reverencia pariter et honore Quoniam dignum est ut pravitas perversorum que severitate ecclesiastica non valet coherceri auxilio saltem secularis brachii compescatur magnificentie vestre tenore presentium significamus quod Ricardus et Elyas capellani Anfridus de Gatewik Willelmus Petivesche Ricardus de la Frene et Godefridus Freman in parochia de Steninges commorantes nostre dioecesis ob multiplicatam ipsorum contumaciam pariter et offensam excommunicacionis sentencia sunt innodati et claves ecclesie irreverenter contempnentes in ipsa per quadraginta dies et amplius pertinaciter perdurarunt Unde quod regie maiestati incumbit in hac parte iuste poteritis contra memoratos excommunicatos exercere Valeat et vigeat excellentia regia per tempora longa Datum apud Amberly anno gratie MCC sexagesimo tertio vii kalendas Novembris pontificatus nostri anno secundo