Charter Document - 03260276
| Charter Number: | 03260276 |
|---|---|
| Cartulary Title: | Chichester 1254-1305 Volume 23 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1286 - 1287 |
| Date type: | Internal, Calendar |
| Resource Link(s): |
|
Charter:
Excellentissimo principi domino Edwardo dei gratia illustri regi Anglie domino Hibernie et duci Aquitannie Stephanus miseracione divina Cycestren ecclesie minister humilis salutem et vite presentis iocunditatem et perpetue beatitudinem cum omni reverencia et honore Quia Elyas molendinarius de Westhamme nostre dioecesis per nos maioris excommunicacionis sententia innodatus in eadem sententia per quadraginta dies et amplius animo indurato contemptibiliter non formidavit sordescere nec formidat ac ad eam obstinati in malicia insolenciam reprimendam ultro quid faciat non habeat ecclesia sacrosancta nisi ut secundum regni consuetudinem ad sic indurati nequiciam compescendam brachium invocet seculare vestre sublimitatis regie maiestatem requirimus et rogamus quatinus secundum regni consuetudinem vicecomiti vestro Sussex vestris velitis dare litteris in mandatis ut libertate quinque porcionum non obstante nulli immunitatem debere tribuere in peccato dictum Elyam excommunicatum capiat et custodie mancipet carcerali donec [] suffusus ad sancte matris ecclesie redierit unitatem et absolucionis beneficium meruerit optinere Corporis incolumitatem et vite diuturnitatem conservet vobis altissimus per tempora prospera et prolixa Datum apud Ferring iii kalendas Marcii anno domini MCC octogesimo sexto