Charter Document - 03260273
| Charter Number: | 03260273 |
|---|---|
| Cartulary Title: | Chichester 1254-1305 Volume 23 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1285 |
| Date type: | Internal, Feast |
| Resource Link(s): |
|
Charter:
Serenissimo principi domino Edwardo dei gratia regi Anglie domino Hibernie et duci Aquitannie Stephanus eiusdem permissione Cyc ecclesie minister humilis salutem cum omni reverencia et honore a[] dispensa et providencie Regali excellencie dignitatem ad hoc preesse voluit ut a[]a [] bicantes multiplicantes ad viam rectitudinis conprimente []tia revocentur Cum itaque Martinus de Wircelford parochianus noster comitatus Sussex propter contumaciam pariter et offensam excommunicatus in ecclesiastice discipline contemptum in eadem excommunicacionis sententia per xl dies et longe amplius sordescere non formidet sancte matris ecclesie claves pertinaciter contempnendo regie sublimitatis clemencie supplicamus quatinus secundum regni vestri consuetudinem ad ipsorum correcionem brachium seculare precipiatis apponi contra quem aliter fuerat invocatum si per vicecomitem exco[] nequaquam demandatum ut quod minus ecclesia valet vestra maiestas plenius suppleat in hac parte Conservet altissimus incolumitatem vestram ecclesie et populo suo per tempora longa Datum apud Selesy die sancti Martini in yeme anno domini MCC octogesimo quinto