Charter Document - 03260272
| Charter Number: | 03260272 |
|---|---|
| Cartulary Title: | Chichester 1254-1305 Volume 23 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1285 |
| Date type: | Internal, Calendar |
| Resource Link(s): |
|
Charter:
Excellentissimo domino suo domino E dei gratia illustri regi Angle domino Hibern et duci Aquitann S permissione divina Cycestren ecclesie minister humilis salutem in eo per quem reges regnant et secula gubernantur Quia Reginaldus de Eggedore capellanus Thomas le Spensir Ricardus Thibaud Willelmus Chupman Robertus le Sopere Ricardus de la Halle Rogerus le Cutler Robertus de Wystenston Matillda de la Stanestrete quos pro suis contumaciis et offensis excommunicatos ad ipsorum insolenciam reprimendam per litteras vestras vicecomiti Sussex directas carceri procuravimus mancipari quousque deo et ecclesie satisfacerent de premissis ac iidem spiritu ducti saniori de premissis satisfacientes reconciliacionis gratiam et absolucionis beneficium sunt legitime assecuti regie selsitudini supplico reverenter ut eidem vicecomiti si placet litteratorie precipere velitis ut suprascriptos a carcere quo detinentur liberet et dimittat Valeat excellencia vestra regia semper in Cristo Ihesu et virgine gloriosa Dat apud Selesye xiii kalend Novembris anno gratie millesimo cc octogesimo quinto