Charter Document - 03260269
| Charter Number: | 03260269 |
|---|---|
| Cartulary Title: | Chichester 1254-1305 Volume 23 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1282 |
| Date type: | Internal, Calendar |
| Resource Link(s): |
|
Charter:
Excellentissimo domino Edwardo dei gratia illustri regi Anglie domino Hybernie et duci Aquitannie suus devotus Stephanus miseracione divina Cycestren ecclesie minister humilis salutem in eo qui dat salutem regibus et gratiam fidelibus qui est omnium vera salus Cum dominus Willelmus de Hasting miles nostre dioecesis in excommunicacionis sententia pro contumacia pariter et offensa auctoritate ordinaria in eum canonice promulgata et postmodum quantum decuit per ecclesiam aggravata per quadraginta dies et amplius perduraverit animo indurato claves ecclesie dampnabiliter contempnendo vestre regie celsitudini humiliter supplicamus quatinus ad eius pertinaciam reprimendam districcionem quam regia potestas contra excommunicatos consuevit secundum regni consuetudinem exercere contra ipsum si placet iubeatis inferri ut quod ecclesia minus valet celsitudo regia suppleat in hac parte Valeat excellencia vestra regia semper in Cristo Iesu et virgine gloriosa Datum apud Audingeburne iii kalendas Novembris anno domini MCCLXXX secundo