Charter Document - 03260268
| Charter Number: | 03260268 |
|---|---|
| Cartulary Title: | Chichester 1254-1305 Volume 23 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1281 |
| Date type: | Internal, Feast |
| Resource Link(s): |
|
Charter:
Excellentissimo principi domino Edwardo dei gratia regi Anglie illustri domino Hybernie et duci Aquitannie Stephanus miseracione divina Cycestr episcopus cum debita reverencia et honore salutem in eo per quem reges regnant et principes dominantur Excellencie regie tenore presencium innotescat quod frater Ricardus abbas de Begeham Robertus de Carevile Radulfus Baldoc Rogerus de Hellingeleghe Iohannes de Ponte Roberti frater Henricus Thomas de Hellingeleghe Willelmus de Bileghe Iohannes de Marisco Iohannes et Henricus garciones celerarii de Begeham Thomas Colpeper Egidius de Shyrington Iohannes de Bromhamme Iohannes le Crop Willelmus Scarlet Willelmus de Havekingeregg Adam le Fulur de Sorham Nicholaus frater abbatis de Begeham Ricardus de Herstbregg Willelmus le Pottere Robertus Tydbright Robertus le Longe Champenays de Borham Hugo frater episcopi Roff propter eorum manifestam et multiplicatam contumaciam pariter et offensam maioris excommunicacionis sentencia sunt exigente iusticia innodati in qua per quadraginta dies et amplius animis steterunt induratis claves ecclesie dampnabiliter contempnendo in animarum suarum grave periculum et aliorum perniciosum exemplum Cum igitur sancta mater ecclesia non habeat quid ultra faciat in hac parte celsitudini vestre humiliter supplicamus ut iuxta regni consuetudinem circa hoc iubere dignemini iusticie fieri complementum ut quos timor dei a malo non revocat secularis saltem cohercio retrahat a peccato Valeat excellencia regia per tempora longiora Datum apud Amberle in crastino commemoracionis animarum anno domini MCCLXXX primo