Charter Document - 03260266
| Charter Number: | 03260266 |
|---|---|
| Cartulary Title: | Chichester 1254-1305 Volume 23 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1281 |
| Date type: | Internal, Calendar |
| Resource Link(s): |
|
Charter:
Excellentissimo domino suo domino Edwardo dei gratia illustri regi Anglie domino Hybernie et duci Aquitannie Stephanus miseratione divina Cycestren [ecclesie minister humi]lis salutem et quicquid potest reverencie et honoris cum devotione promptissima famulandi Cum Alexander Prikeloue clericus carceri vestro ob recor[] monete regie diutius mancipatus nec non nobis secundum formam iuris de mandato vestro speciali liberatus coram viris discretis et fide dignis nostris commissariis ad hoc specialiter deputatis per xxiiii tam sacerdotes quam diaconos et subdiaconos iuratos super obiecto sibi crimine predicto legitime se purgaverit ac per vicecomitem Sussex terre tenementa redditus et catalla dicti Alexandri in manus vestras capta sint et seysita que quidem tenementa terras et redditus ut ius suum per mortem Henrici patris eiusdem A cuius heres ipse est clamat et ad ipsum hereditario iure accidere debent sublimitati vestre regie supplicamus quatinus cum idem canonice se purgaverit super imponito sibi crimine predicto liberam sibi terrarum tenementorum redituum et catillorum predictorum conceditis administracionem nec non ipsa sibi restitui si placet precipiatis Corporis incolumitatem et vite diuturnitatem conservet vobis altissimus Valete semper in Cristo Iesu Datum apud Stratham xvii kalendas Iulii anno domini MCC octogesimo primo