Charter Document - 03260264
| Charter Number: | 03260264 |
|---|---|
| Cartulary Title: | Chichester 1254-1305 Volume 23 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1281 |
| Date type: | Internal, Feast |
| Resource Link(s): |
|
Charter:
Excellentissimo domino suo domino Edwardo dei gratia illustri regi Anglie domino Hibernie et duci Acquitannie suus humilis et devotus Stephanus miseracione divina Cyc ecclesie minister humilis salutem et paratam ad sua beneplacita voluntatem cum omni reverencia et honore Regie vestre serenitati notum facimus per presentes quod Iohannes Wyther Warinus atte Londe Iohannes le Sippere de la Grave Nicholaus Such de Dreyton Henricus Kyeamur Radulfus Wysdon Hamo Gore Iohannes Gore et Willelmus molendinarius de Ovinges de comitatu Sussex propter offensam manifestam excommunicati a nobis in eadem excommunicacionis sententia per quadraginta dies et amplius pertinaciter perseverarunt et adhuc in eadem sordescere non formidant claves ecclesie delusorie contempnendo Quocirca celsitudini regie humiliter supplicamus quatinus ad eorum insolenciam reprimendam districcionem quam regia majestas contra excommunicatos exercere consuevit contra ipsos precipiatis inferri ut quod ecclesia minus valet regalis potestas suppleat in hac parte Incolumitatem vobis conservet altissimus per tempora diuturna Datum apud Deringewyk die lune proxima ante festum invencionis sancte crucis anno domini MCCLXXX primo