Charter Document - 03260261
| Charter Number: | 03260261 |
|---|---|
| Cartulary Title: | Chichester 1254-1305 Volume 23 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1280 |
| Date type: | Internal, Calendar |
| Resource Link(s): |
|
Charter:
Excellentissimo domino suo domino Edwardo dei gratia regi Anglie domino Hybernie et duci Aquitannie Stephanus eiusdem miseracione Cycestren ecclesie minister humilis salutem et paratam ad beneplacita voluntatem cum omni reverencia et honore Ad insolenciam [] ecclesie claves con[] reprimendam pia devocione salubriter est ordinatum ut cum sancta mater ecclesia contra huius rebelles adeo [] non habeat [] quid [] potestatis regie dignitas in eius auxilium devocius asseret Cum itaque Henricus rector ecclesie de Westgrenestede Willelmus vicarius ecclesie de Wassingtone Adam de Banant Nigellus de Brot et Hamo Bonet milites Walterus Randanis et Willelmus de la Denna auctoritate ordinaria propter suas offensas manifestas excommunicati in eadem excommunicacionis sententia per dies quadraginta et amplius sordescere non verentur claves ecclesie delusorie contempnendo Serenitati vestre devotissime supplicamus quatinus ad ipsorum correccionem salubrem seculare brachium contra ipsos secundum regni vestri consuetudinem exerceri precipere dignemini ut quod ecclesie minus valet regia potestas suppleat in hac parte Conservet altissimus incolumitatem vestram ecclesie sancte et populo suo in tempora longa Datum apud Cacham iii nonas Augusti anno domini MCC octogesimo