Charter Document - 03260260
| Charter Number: | 03260260 |
|---|---|
| Cartulary Title: | Chichester 1254-1305 Volume 23 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1280 |
| Date type: | Internal, Calendar |
| Resource Link(s): |
|
Charter:
Excellentissimo domino suo domino Edwardo dei gratia regi Anglie domino Ybernie et duci Acquitannie Stephanus eadem gratia ecclesie Cycestr minister humilis salutem et paratam ad sua beneplacita voluntatem Serenitati vestre notum facimus per presentes quod Willelmus de Hasting miles de comitatu Sussex propter culpas sue contumacie pariter et offense manifeste excommunicatus a nobis in eadem excommunicacionis sententia per quadraginta dies et amplius pertinaciter perseveravit et adhuc in eadem sordescere non formidat ecclesie claves delusorie contempnendo Quocirca celsitudini regie humiliter supplicamus quatinus ad ipsius reprimendam maliciam districcionem quam regalis majestas contra excommunicatos exercere consuevit contra ipsum precipiatis inferri ut quem dei timor a malo non revocat secularis saltim cohercio cohibeat a peccato Valeat vestra regia majestas per tempora longiora Datum apud Stratham kalendas Iulii anno domini MCCLXXX