Charter Document - 03260258
| Charter Number: | 03260258 |
|---|---|
| Cartulary Title: | Chichester 1254-1305 Volume 23 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1280 |
| Date type: | Internal, Calendar |
| Resource Link(s): |
|
Charter:
Excellentissimo domino suo domino Edwardo dei gratia regi Anglie domino Ybernie et duci Aquitannie suus humilis et devotus Stephanus miseracione divina Cyc ecclesie minister humilis salutem et paratam ad sua beneplacita voluntatem cum omni reverencia et honore Serenitati vestre notum facimus per presentes quod Henricus filius Matilde de Ovinge de comitatu Sussex propter offensam manifestam excommunicatus a nobis in eadem excommunicacionis sententia per quadraginta dies et amplius pertinaciter perseveravit et adhuc in eadem sordescere non formidat claves ecclesie delusorie contempnendo Quocirca celsitudini regie humiliter supplicamus quatinus ad eius insolenciam reprimendam districcionem quam regia majestas contra excommunicatos exercere consuevit contra ipsum precipiatis inferri ut quod ecclesia minus valet regalis potestas suppleat in hac parte Incolumitatem vobis conservet altissimus per tempora Longa Datum apud Stratham iuxta Brembre viii kalendas Iulii anno domini MCCLXXX