Charter Document - 03260257
| Charter Number: | 03260257 |
|---|---|
| Cartulary Title: | Chichester 1254-1305 Volume 23 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1280 |
| Date type: | Internal, Calendar |
| Resource Link(s): |
|
Charter:
Excellentissimo domino suo domino Edwardo dei gratia illustri regi Anglie domino Hybernie et duci Aquitannie Stephanus eadem gratia Cycestr ecclesie minister humilis salutem et paratam ad beneplacita voluntatem Vestre majestati regie notum facimus per presentes quod Robertus dictus le Prest et Ricardus filius Ricardi de Farleya nostre dioecesis propter culpas sue contumacie pariter et offense manifeste excommunicati a nobis in eadem excommunicacionis sententia per xl dies et amplius pertinaciter perseverarunt et adhuc in eadem sordescere non formidant ecclesie claves delusorie contempnendo Quocirca celsitudini regie humiliter supplicamus quatinus ad eorum maliciam reprimendam districcionem quam regia majestas contra excommunicatos exercere consuevit contra ipsos precipiatis inferri ut quos dei timor a malo non revocat secularis saltim cohercio cohibeat a peccato Valeat vestra regia majestas per tempora longiora Datum apud Preston Episcopi iii Nonas Maii anno domini MCCLXXX